Kapihan ni Qroon -- Talaarawang Tagalog

Tinipong kaisipan, saloobin at kung anu-ano pang bagay.

Google
 
Web Kapihan ni Qroon

Monday, September 25, 2006

Kopya

Sa tuwing pupunta kami ni Joy sa mga pamilihan (Malls, palengke atbpa.), ay mapapansin mong halos iisa ang disenyo ng mga produktong kagaya ng tsinelas, pantalon, sapatos at damit. May mga pagkakataon na makikita mo yung mga original o naunang maglabas ng isang disenyo at maikukumpara mo dun sa kopya lamang.

Para sa iba ay hindi maganda ang ganito, hindi daw kasi nagsusumikap na makagawa ng sariling dibuho. Ngunit nagpapasalamat na rin ako at may mga brand na kinokopya ang istilo ng iba at naipagbibili ang mga produkto sa murang halaga. Kinakaya na rin ng masa na makabili ng sa tingin nila ay magara at bago.

Ang tanging maipagmamalaki (maipagyayabang?) na lang ng may pera ay "original" ang kanila. Ngunit, ano ang punto nila? Na nauna sila? Na mas maganda ang kanila? Simple lang naman yan, hindi na naiiba o kakaiba ang gamit mo. :)

Isa na ang brand na Planet, halos lahat yata ng disenyo ay na-kopya na nila. Patok sila sa masa. Kahit mumurahin ay ayos lang sa nakararami. Ang Bench at Penshoppe, pansin namin ay kinokopya din nila ang mga mamahaling imported brands. Patok din sa nakararaming mga kabataan.

Isa lang ang tanong ko. Ginagamit nga kaya ng mga endorser ang produktong sila ang modelo? Ibang usapan na lang siguro yun. Salamat na rin sa nangongopya, kahit tubo (profit) lang ang gusto nyo, ay nakapagpasaya naman kayo ng masa.
|| nilaga ni qroon, 5:56 PM

7 Ang nakihigop:

Naku ako din diko type mga branded names na damit bakit kamo? aba kasi sa galing kong maglaba lagi nalang nabubudburan ng clorox mga damit ko. kaya kung mahal yan aba iiyakan ko tlga at mag dadasal na sana mag ka himala at least kung mura lang edi bili nlang ako ulet dba?
Blogger tutubing_karayom, at 7:44 PM  
TK, El Cheapo na ako ngayon pagdating sa pananamit. May pamilya na eh. Bumibili lang ako ngayon ng damit kapag may discount/sale. At pumupunta ako sa mga factory outlet kagaya ng nasa Levi's Pasong Tamo, he he he.
Blogger qroon, at 5:35 PM  
basta, nasa pagdadala na lang yan. masarap at masaya mag-ukay ukay! gusto ko yung mga brands na unheard of. kahit meron talaga akong mga faves na local/imported brands, basta naiiba at carry ko, eh di GO!
Anonymous Cheska, at 11:21 PM  
Cheska, marami nga akong kilalang bumibili sa ukay ukay. Nung college pa ako ay mahilig din akong bumili ng damit sa thrift stores. Pero ngayon ay medyo naging skeptic ako. Bakit? Ako lang ang may alam :)
Blogger qroon, at 6:27 PM  
ukay rules! wala kang kapareho. nasa sariling diskarte nalang kung paano mo dadalhin. malay ba ng ibang tao na 25 pesos lang yun. basta carry mo sya!
Blogger dezphaire, at 10:34 AM  
dez, talagang makatitipid sa ukay, tapos makakukuha ka pa ng rare items. May nagsasabi nga lang na ginagamit ng drug smugglers ang ukay items para makapagpuslit ng droga. :(
Blogger qroon, at 1:31 PM  
ang factory na pinapasokan ko ay ubod ng laki ngayun ay naging maliit. nalugi. dahil sa pangngopya ng tsina. kinokopya nila ang ang aming produkto. nuong nasa holland ako pumunta ako sa isang flea market nakita ko ung aking design. egyptian statue.na may hawak na bowl.alam ko gawa sa poland yun.natawa na lang ako.kilala nyo po ba si gilda fernando?. fan nya ako. sana makapag illustrate ako sa isang book nya one of these days.silip mo na lang work ko. salamat
Blogger j macam, at 4:17 PM  

Makihigop na!