Kapihan ni Qroon -- Talaarawang Tagalog

Tinipong kaisipan, saloobin at kung anu-ano pang bagay.

Google
 
Web Kapihan ni Qroon

Saturday, May 16, 2009

Sa Pananaw Ni Ineng


Kanina ay nakikinig kami ng mga lumang kanta ni Vilma Santos. Yung Sixteen, Da doo ron ron at iba pa. Sarap pakinggan ng bass lines at yung mga himig, ang sarap sa tainga. Maiba naman sa sangkatutak na Metallica at Pearl Jam. At nakatutuwang pakinggan ang pagbigkas ni Vilma sa mga salita ay maliwanag. Walang arte at regional accent, academic english ang sabi namin. At itoý isang papuri sa pagbigkas ng Ingles na walang arte!

Ngayon, anong kinalaman ni Ineng? Nagustuhan din nya kasi ang mga kanta. Tinanong namin sya kung kilala nya kung sino ang kumakanta:


Inay: Kilala mo kung sinong kumakanta?

Ineng: Hindi po.

Itay: Sýa ang
governor natin. Governor ng Batangas.
Ineng: Si Gov. Vilma po?

Inay at Itay: Oo Ineng.


Makalipas ang ilang ulit na pakikinig, biglang naitanong ni Ineng:

Ineng: Paano po sya naging Governor?

Hindi na kami nakasagot ni Inay. Hanggang ngayon ay nag-iisip pa ako ng isasagot na maiintindihan ng bata. Na hindi ko hahaluan ng pananaw sa puilitika ng isang nakatatanda. Paano nga ba? Tulong naman dyan!

* Ang larawan sa itaas ay kinuha ko sa Nostalgia Manila (http://nostalgiamanila.blogspot.com/2007/11/ultimate-vilma-santos-scrapbook.html)

Labels:

|| nilaga ni qroon, 10:22 PM

4 Ang nakihigop:

Alam ko kung paano sagutin yan. Naging malaking daan tungo sa pulitika ang pagiging sikat na artista niya tapos napangasawa niya along the way ang influential na isa paring pulitiko galing sa mayamang angkan ng mga Recto.Nakapag aral naman siya at kumuha pa ng extra course sa UP. Sa dami ng fans at mabuting serbisyo, umgangat na ang posisyon, malay mo bukas Presidente na siya kung papayagan mo.
Blogger marie, at 6:52 PM  
Oy Boss Qroon! Unang beses ko makita 'tong blog mo at unang komento ko rin ito! Hehe!

Mahirap ngang sagutin yan dahil 'di natin alam kung paano i-interpret ng mga bata ang mga bagay na isasagot natin.

Katulad sa sinabi ni Marie sa unang komento, maaaring maisip ng bata na para pala maging politiko ay kailangan maging artista o kailangan may maging asawang politiko.

Ito ang aking dalawang sentimo. :D

(ayan at Filipino rin ang aking ginamit na pananalita ha :))
Blogger riccaliolio, at 8:55 PM  
@Marie, salamat sa payo :)

@riccaliolio, salamat sa pagdalaw sa aking talaarawan, he he he. Basa!
Anonymous Kapihan ni Qroon, at 9:29 PM  
change topic na lang anak :p
Anonymous zyne, at 1:40 AM  

Makihigop na!