Kapihan ni Qroon -- Talaarawang Tagalog

Halu-halo

2010-04-23T00:50:00.003+08:00

Dito sa Pilipinas halu-halo ang ginagamit na panukat. Metric (SI) at Imperial Units. Sa pagsukat ng taas ng tao, kalimitan pa ring ginagamit ang feet at inches (maging vital statistics). Ngunit sa timbang, kilograms ang kalimitan.

Sa palengke, pag bibili ng tela ay tinatanong kung ilang yarda (yard). Samantalang kapag isda, bigas at karne ay kilo (kilograms) naman ang gamit. SI ang gamit pagdating sa mga sasakyan, km/h sa bilis at litro (liter) sa gas.

Maging sa pulitika, halu-halo rin. Mayroong iba ang presidente at bise presidente, pati na rin ang mga senador. Ganoon din sa sa lokal na halalalan. Malusog na demokrasya? Maaari. Ngunit kung papansinin, lipatan lang ang nangyayari. Ibang usapan na yun.

At dahil mainit ang panahon, masarap kumain ng halu-halo!

Pearl Jam - Backspacer: Album Review

2009-10-10T23:40:00.002+08:00

May review ako ng bagong album ng Pearl Jam, Backspacer. Matatagpuan ito sa QrooniX.

Kainengan

2009-09-26T20:35:00.001+08:00

Isang linyang banat ni Ineng.

Ineng: Oh my, oh my! Kambal sa umay!
Inay at Ako: Bwahahahahaha!

Lima

2009-09-23T15:17:00.004+08:00

Limang taon na pala itong Kapihan! Sa limang taon na dumaan ay ningas kugon pa rin ang pagtatala ko, he he he. May nagbabasa pa ba bukod sa misis ko? May mga napapadaan pa naman. Salamat sa mga nagbabasa pa!

Nanghihinayang akong ilipat ang mga nilalaman nito sa sarili kong domain. Una na ay mahihirapan akong angkatin ang mga laman nito. At pangalawa, palaging dahilan, katamaran!

Palabas

2009-09-23T14:43:00.003+08:00

~~Bihira na akong manood ng mga palabas sa lokal na telebisyon~~ Bihira na akong manood ng telebisyon. Bakit? Una ay napakahuling ipalabas dito ang mga gusto ko (30 Rock, How I Met Your Mother, The Big Bang Theory, Heroes, etc.). Huli ng isang buong season! Ang mga balita ay hinahaluan ng kung anu-anong gimmick. Kaya mas gusto ko pang magbasa ng balita sa Internet.

Hinahanap-hanap ko ang dating estilo ng lokal na telebisyon. Sa ala-sais ng gabi ang balita, may sitcom araw-araw at isa o dalawa lang ang soap opera. At mga alas-dyes naman ang sunod na balita. Bakit di na lang ako manood ng ibang himpalan sa cable? Nakatatamad nga dahil kalimitan ay re-run ang mga palabas.

Ayaw ko ng magkomento tungkol sa kalidad ng mga lokal na palabas. Marami lang ang magagalit. Sugudin pa ako dito ng mga ka(ipasok dito kung alin ang kinaaniban o sinasambang network). Oo nga pala, yung mga Live daw na palabas ay hindi naman Live! Napakahuli, mabuti pa ang streaming sa Internet! Mayroon pa naman paboritong panuorin, ang mga patalastas na maganda ang pagkakagawa!

Mabuti na lang at may ibang pwedeng pagkaabalahan gaya ng pagbabasa ng mga aklat at komiks. Maari ring makinig at tumugtog ng musika. Maglaro ng darts at iba pa.

* * * * *

To Star World, JackTV and others, please show the latest season! We can tolerate a day to a week delay. But a whole season late? Unacceptable!

Poste: Ikatlong Guhit

2009-09-20T23:50:00.004+08:00

May bagong sombrero si Boy Dapa at ang kasama naman ay si Boy Panganay.

Usapang Bola (Ikalawang Guhit)

2009-09-08T21:21:00.004+08:00

May komento ang mga kaibigan ko na dapat ay iba ng konti ang buhok ni Monyo (yung mataas ang buhok). Kaya may ilang pagbabago sa aking guhit ngayon. Ganun na rin kay Tanders (yung malapad ang noo), ginawa ko talagang semi-kalbo. Alam nyo na siguro kung sino yung may sumbrero.

Paunawa: Ang mga salitaan sa munting komiks na ito ay hindi naangkop sa mga bata. Patnubay ng mga nakatatanda ay kinakailangan.

Usapang Utot

2009-09-08T17:23:00.003+08:00

Cosplay Sa SM Batangas

2009-08-23T22:16:00.005+08:00

Kahapon ay napadaan ako sa SM Batangas City, may cosplay na pakulo ng isang telco. Nasa baba ang ilang mga larawan.

Wikang Filipino, Manuel L. Quezon at Radyo

2009-08-19T18:02:00.000+08:00

Kaninang tanghali ay bukas ang radyo sa bahay. At nakagawian na sa amin na sa himpilang AM kami nakatutok. Naulinigan ko ang tinatalakay sa radyo (dzMM) kaya nilaksan ko. Tampok sa isang programa ang paggunita sa kaarawan ni Manuel L. Quezon at sa araw ng Wikang Filipino.

Hindi man ako tagasubaybay ng palatuntunang Talakan (Talakayan at Kantyawan) ay may maganda silang ginawa kanina. Kahit pa sabihin natin na nakatatawa (sa magandang paraan) ang kanilang pagtatanghal. Hindi nila binanggit sa himpapawid ang salitang coño. Alam din nila na ito ay hango sa wikang Español na may bastos na ibig-sabihin.

------

Napaguusapan na rin lang ang radyo, hayaan nyong papurihan ko si Tiya Dely Magpayo. Isa sa mga dahilan kung bakit naisip kong Tagalog/Filipino ang wika ng talaarawang ito. Sa pakikinig ko sa kanya rin natutunan ang mga mumunting bagay sa ating wika na akala natin ay tama ngunit mali pala.

Ang kanyang mga halimbawa ang nagmulat sa akin na maling gamitin bilang unlapi ang "kaka". Halimabawa ay nakakainis. Ito ay mali sa balarilang Filipino. Ang tama ay nakaiinis. Bakit? Dahil ang unang pantig ng salitang ugat ang dapat ulitin. Sa ating halimbawa ay ang salitang inis.

Sa kanyang palatuntunang pang-gabi, Ang Serenatang Kumbidahan, narinig ang magagandang awitin at tulain. Kagaya ng mga tula ng namayapang Levi Celerio (na isang tunay na Pambansang Alagad ng Sining sa Pilipinas).

------

Isang pagpupugay kay Manuel L. Quezon at sa Wikang Filipino!

Google Logo Para Kay Ninoy

2009-08-13T02:28:00.005+08:00

Tagahanga ako ng mga Logo ng Google. Tagahanga rin ako ni Ninoy Aquino. Kaya naisipan kong gumawa ng mga logo na nasa ibaba.

The GIMP at Inkscape ang ginamit ko para magawa ang mga ito. Ang font naman na ginamit ko ay Catull.

Pambansang Alagad Ng Sining

2009-08-11T22:34:00.004+08:00

Sa mga pahayag na mababasa at mapapakinig natin sa mga balita ay parang napakamasalimuot ng usapin tungkol pagkakagad ng National Artist Award kay Ginoong Carlo J. Caparas (CJC). Umabot pa na pararatingin sa Korte Suprema ang usapin. Ginamit pa ang walang kamatayang mahirap laban sa mayaman.

Ngunit kung lilimiin natin, ay makikitang payak lang ito. Walang kinalaman ang mahirap laban sa mayaman. Hindi rin ito usapin kung magaling o hinding gumuhit si CJ.C. Ito ay kung akma ba sa kategorya (Visual Arts and Film) ang gawad kay CJC. At kung dumaan sa proseso (peer review) ang nominasyon sa kanya.

Si CJC nga ang lumikha ng mga komiks na kagaya ng Panday at iba pa. Ngunit sya ba ang gumuhit nito? Hindi. Kung ihahalintulad mo ito sa isang kompositor at mangaawit, gagawaran mo ba ng Best Singer Award ang lumikha ng awit? O ang gagawaran ng parangal ay ang umawit? Sa larangan naman ng Pelikula (Film), sa tingin nyo ba ay ang mga massacre na pelikula ni CJC ay magandang kumatawan sa Pelikulang Pilipino?

Huwag naman sanang gamitin pa ang paksang mahirap laban sa mayaman. Ito ay hindi makatutulong para malutas ang usapin. Ayon sa mga pahayag, maraming naitulong sa pamayanan si CJC. Ngunit hindi usapin kung marami syang natulungan o wala. Ang pag-usapan ay kung naayon ba sa pamantayan ng pagpili ng National Artist Award ang pagkakapili kay CJC.

------

Ang larawan sa itaas ay nilikha ni Macoy.

Cory Aquino

2009-08-05T18:29:00.003+08:00

Ang larawan sa itaas ay iginuhit ni Ineng (7 taong gulang). Marahil ay dala na rin ng napapanuod nya sa telebisyon, naririnig sa radyo at nakikita sa Internet. Ang mga pamamaalam at pagbibigay pugay sa namayapang Pangulong Corazon C. Aquino.

Siyam na taong gulang pa lamang ako nang maging pangulo si Cory Aquino. Naalala ko noon na nakatutok sa radyo ang aking mga magulang at naghihintay sa bawat pangyayari. Sa kanyang panunungkulan ko nalaman ang ibig sabihin ng salitang coup d'état. At sa aking pagbabalik tanaw at pagkukumpara, ay napagwari ko ang tunay na ibig sabihin ng salitang palabra de honor.

Paalam at salamat Pangulong Corazon C. Aquino!

Pang-asar

2009-08-03T16:37:00.003+08:00

Eto ang magandang pang-asar sa isang pagtitipon ng PETA

Ang larawan sa itaas ay kinuha sa Skirmisher.

Katayan

2009-08-01T19:57:00.004+08:00

Ang paksa ng tala kong ito ay walang kinalaman kung maganda o pangit ang pelikulang Kinatay. Hindi ko pa ito napapanood kaya wala akong masasabi tungkol sa pelikulang ito. Ginawa ko ang talang ito dahil sa aking pagbabasa, ay nakita ko ang isang artikulo na sinulat ni Ginoong Roger Ebert. Ito ay tungkol sa pelikula ni Brillante Mendoza na Kinatay. Matatagpuan ang artikulo dito.

Hindi ko alam kung matatawa ako o maiinis sa mga komento ng mga kababayan nating Filipino. Ito yung kalimitan kong nababasa na akala mo ay inapi ang bayan ng Pilipinas kapag mayroong di magandang nasabi tungkol sa isang Filipino. Sa usaping ito, ay isang pelikula. Hindi naging paborable ang artikulo tungkol Kinatay. Ngunit ito ay sa teknikal na pananaw ng isang tao. Hindi nangangahulugan na inaapi ang Pilipinas!

Marahil nga ay likas na balat-sibuyas ang karamihan sa atin. Kung bakit, ay hindi ko alam. Hindi ko alam kung bakit nagiging personal ang pagtanggap sa mga kritisismo. Marami na rin akong nabasa na pinagbibintangang may utak talangka ang mga taong pumupuna sa sikat na kapwa Pilipino.

Hindi nga siguro sapat ang isang tala para talakayin ang tungkol sa akusahang crab mentality at colonial mentality. Magandang paksa ang mga nabanggit. Kapag hindi ako tinatamad ay magsusulat ako tungkol dito.

Oo nga pala, mayroon bang makapagtuturo sa akin kung saan makabibili ng kopya ng pelikulang Kinatay?

Araw Ng Mga System Administrator

2009-07-31T19:24:00.000+08:00

Mga Akala

2009-07-27T00:28:00.006+08:00

Ilang beses ko na ring napapanuod ang patalastas ni Manny Villar na Akala Mo. Hindi ang kanyang plataporma ang paksa nitong tala ko. Kundi ang pag-gamit ng patalastas ng salitang Conyo/Coño. Hindi kaya nagsaliksik man lang tungkol sa salitang Conyo/Coño ang mga gumawa ng patalastas? Ang salitang ito ay español na kalimitan ay sa pagmumura ginagamit. Ang literal na ibig sabihin ay ang maselang bahagi ng katawan ng mga kababaihan.

Sa ibang dako naman. Napaguusapan na rin lang ang mga salita sa telebisyon at radyo, ay parang wala ng censorship ngayon. Narinig ko sa radyo na may ilang kumentarista na gumagamit ng salitang 'pucha'. Wala naman akong reklamo, nagtataka lang. Ganoon din ang 'bull shit', ginamit ito sa isang soap opera. Ang pagkakaalam ko ay kapag recorded ang isang programa, ay maaring baguhin o putulin ang naturang salita pago ipalabas.

Paano?

2009-07-18T23:11:00.004+08:00

Oo, paano nakabili ng kotse o ng bahay at lupa yung mga nasa patalastas ng Avon?

May isa kaming kumare na nagbebenta ng mga produkto ng Avon. Bumili si misis ng nagkakahalaga ng Php 1,300.00. Ang tubo ng kumare namin? Php 55.00! Wow! Kayo na ang magkwenta. Kung ang isang kotse ay nagkakahala ng Php 550,000.00, magkano ang kailangang maibenta para makabili ng kotse?

Anong Bago Sa Kapihan?

2009-07-09T00:27:00.003+08:00

Sa larangan ng teknolohiya at musika, masaya akong ibalita na nagagamit ko sa Fedora Linux ang aking Zoom B2.1u bass effects (pakitingnan na lang ang detalye sa QrooniX). Hindi muna ako tumutugtog ngayon sa bars sa Manila dahil sa takot sa Influenza A(H1N1). Paumanhin sa aking mga kabanda (BlissBuds). May ilan naman akong naisulat na kanta na magagamit natin sa mga susunod na buwan.

* * * * *

Sa mga pelikula naman, nakapanood kami ni misis ng Transformers: Revenge of the Fallen. Gumising kami ng maaga (a las diez pa lang umaga ay nasa SM na) para maunang makapanood noong unang araw ng palabas at para na rin kakaunti pa ang naunood (takot pa rin sa H1N1!). Nakailang Bumblebee na rin kaming nabili ni misis. Habang nagbabasa naman kami ngayon ng mga review ng mga pelikulang nasa-DVD na. Baka may maimumungkahi kayo dyan.

* * * * *

Simula ng pagbabalik ng mga estudyante sa mga paaralan ay may may isang issue na gusto kong punahin; Ang pagbibigay ng instant noodles sa mga mag-aaral! Bakit hindi ibalik yung pamamahagi ng bulgur? Ibalik na rin ang nutribun!

Huli Man At Magaling

2009-06-12T19:59:00.005+08:00

Ayos pa rin. Eto yung logo ng Google sa Google Philippines.

Nakatutuwa ang logo na ito, maganda ang pagkakagawa. Ang hindi ko lang alam ay kung ito ay naayon sa Philippine Flag Law.

BlissBuds Sa 9 Mile Bar

2009-06-07T12:41:00.002+08:00

Noong Byernes, Hunyo 5, 2009 ay tumugtog kami (BlissBuds) sa 9 Mile Bar. Maraming salamat Nutrivand Productions at 9 Mile Bar!

BlissBuds Sa Freedom Bar

2009-06-01T16:50:00.002+08:00

Noong nakaraang Biyernes, Mayo 29, 2009 ay tumugtog ang aming banda (BlissBuds) sa Freedom Bar. Ang mga video ay nasa YouTube BlissBuds channel. Nasa ibaba ang isa sa aming mga kanta:

Sa Pananaw Ni Ineng

2009-05-16T22:22:00.005+08:00

Kanina ay nakikinig kami ng mga lumang kanta ni Vilma Santos. Yung Sixteen, Da doo ron ron at iba pa. Sarap pakinggan ng bass lines at yung mga himig, ang sarap sa tainga. Maiba naman sa sangkatutak na Metallica at Pearl Jam. At nakatutuwang pakinggan ang pagbigkas ni Vilma sa mga salita ay maliwanag. Walang arte at regional accent, academic english ang sabi namin. At itoý isang papuri sa pagbigkas ng Ingles na walang arte!

Ngayon, anong kinalaman ni Ineng? Nagustuhan din nya kasi ang mga kanta. Tinanong namin sya kung kilala nya kung sino ang kumakanta:

Inay: Kilala mo kung sinong kumakanta?
Ineng: Hindi po.
Itay: Sýa ang governor natin. Governor ng Batangas.
Ineng: Si Gov. Vilma po?
Inay at Itay: Oo Ineng.

Makalipas ang ilang ulit na pakikinig, biglang naitanong ni Ineng:

Ineng: Paano po sya naging Governor?

Hindi na kami nakasagot ni Inay. Hanggang ngayon ay nag-iisip pa ako ng isasagot na maiintindihan ng bata. Na hindi ko hahaluan ng pananaw sa puilitika ng isang nakatatanda. Paano nga ba? Tulong naman dyan!

* Ang larawan sa itaas ay kinuha ko sa Nostalgia Manila (http://nostalgiamanila.blogspot.com/2007/11/ultimate-vilma-santos-scrapbook.html)

Kahubdan!

2009-05-13T22:31:00.002+08:00

Hubadan Sa Penshoppe!

Ang Bente Pesos

2009-05-13T21:22:00.004+08:00

Nabasa ng misis ko yung Try the P20 refrigerator test sa Inquirer.net. Tinanong ko sya kung bakit bente pesos ang gagagamitin. Dahil yun daw ang kalimitang matatagpuan sa mga bahay. Ano nga ba ang gusto kong patunayan?

Napagtanto ko na 20 pesos na nga ang pinakamaliit na pisong papel sa sirkulasyon. Bihira na kasi ang lima at sampung piso. At kapag may 20 piso ka ay ano nga bang mabibili mo? Kung nasa may Makati ka, maari ka ng mag-almusal sa mga "jollijeep", Isang kanin at binateng itlog na may pira-pirasong hotdog. Makiinom ka na lang ng tubig.

Maari din namang 10 pisong pan de sal, kapeng 3-in-1 at maliit na itlog, yan ay kung may oras ka pang magluto. Kung nagyoyosi ka naman, 3 marlboro lights at pamasahe balikan. Sa mga bata, hindi na maaring pabaon ang 20 piso. Magkano na ang pamasahe ng mga estudyante? Anim na piso, eh paano kung balikan? Sa walong piso ba eh may makakain ang mga bata?

Naalala ko tuloy noong nasa elementarya pa ako (oo gitna ng dekada otsenta). Ang 20 piso ay baon ko na sa loob ng isang linggo! May naiipon pang pambili ng teks at lastiko! At masaya na ako pag mayroon akong dalawam-pisong papel sa bulsa.

Makamundong Talento

2009-05-08T00:26:00.002+08:00

He he he. Ito ay isang nakatatawang pagsasalin ng salitang ingles na 'World Class Talent'. Bakit ko naman naisip ang salin na ito? Nabasa ko kasi yung isang tala ni Cabring tungkol sa mga 'World Class Talent'. Ano nga ba ang batayan para masabing pang-daigdigan ang talento ng isang Pinoy? Aling pamantayan ang susundan? Sapat na ba na makapagtanghal sa mga Pilipino sa ibang bansa?

Mas maigi pang basahin na lang natin ang mga sinabi ni Cabring. :)

Freedom Bar Gig on May 29

2009-05-04T10:27:00.003+08:00

Inaanyayahan ko po yung mga nagbabasa ng talaarawang ito na panoorin ang aming banda (BlissBuds) sa Freedom Bar ngayong Mayo 29, 2009. Tara!

Bliss Buds

2009-04-27T04:19:00.002+08:00

Noong April 25 ay may tugtog ang banda namin sa Bri-iw. Tingnan na lang ang mga larawan sa Bliss Buds. Salamat po!

Bagong Taon 2009

2009-01-01T11:38:00.002+08:00

Isang Pinagpalang Bagong Taon sa lahat!

Logo Loco

2008-12-28T20:02:00.002+08:00

Kahapon, habang nakapila kami para magbayad sa isang supermarket, napansin ni Ineng ang logo na nasa itaas. Sabi sa akin ni Ineng: "Itay tuma*** yung nasa picture!" At inulit pa sa kanyang Inay! Bwahahahahahaha!

Akala ni Inay eh ako ang nagturo. Aba, sabi ko ay hindi ako. Talaga lang may pinagmanahan ang anak namin. Sino kaya? Hhhhmmmm....

Bago?

2008-12-27T22:59:00.002+08:00

Ano nga bang bago at mahigit na pitong b'wan akong hindi nagtala dito? Wala ng dahilan pa. Tinamad.

Maligayang Pasko at Manigong Bagong Taon sa lahat! Pagpalain pa nawa tayo ng Maykapal!

Maligayang Kaarawan!

2008-05-05T17:39:00.003+08:00

Sa Unang Ginang ng Kapihan!

Blogger Sa Wikang Filipino

2008-03-02T21:40:00.003+08:00

Kanina ko lamang nabasa na mayroon ng Filipino sa pagpipilian sa Blogger [1]. Nakatutuwa naman at nabigyan ng pagpapahalaga ang ating pambansang Wika. Nawa ay sumunod naman ang iba pang wika dito sa Pilipinas (Bisaya, Ilokano at iba pa.)

[1] Blogger now in Filipino

Text (Teks)

2008-03-02T18:16:00.004+08:00

Kung bata ka na noong dekada 80 ay siguradong naglaro ka teks. Nakatutuwa na may naglalaro pa rin pala ngayon nito. Hindi na nga lang pelikulang Pilipino na iba ang kwento kaysa palabas ang nilalaman. Kaya noong makita kong naglalaro ang mga pinsan ko ay nakisali ako. Hindi sila nanalo, marunong pa pala ako (ng mandaya), bwahahahahahaha!

Naruto Teks

Bilang muna ng pinanalunan (isa, dalawa, tatlo, cha!)

Itsa muna!

Musikang Pinoy O ...

2008-02-17T21:56:00.006+08:00

... Musikang gawa ng Pinoy?

Matagal na ring umuukilkil sa isipan ko ito. Alin ba ang tama sa dalawa? Tama bang tawaging Musikang Pinoy (Pinoy Music) ang mga awit/musika na nilikha ng mga Pinoy ngunit na-impluwensyahan naman ng musikang kanluranin at iba pang kalapit bansa? Maaaring maka-lantay na pananaw kapag sinabi kong halos walang Musikang Pinoy ngayon. Ngunit nais ko lamang malaman ang pananaw ng iba sa usaping ito.

Hindi naman lingid sa lahat na karamihan sa mga tinatawag na Musikang Pinoy (OPM) ay hango sa musika ng ibang bansa na nilapatan ng wikang filipino (at iba pang wika sa Pilipinas). Kaya tinawag ko itong mga Musikang gawa ng Pinoy (Music by Pinoys). Ano ang Musikang Pinoy? Yaon ay ang mga awiting nilikha ng mga katutubo na hindi gumagamit ng gitara, tambol o anumang instrumentong musikal na galing sa ibang bansa.

Ngunit maaring sabihin ng iba na wala naman talagang taal na Filipino, ang mga ninuno natin ay galing sa mga karatig bansa. Ah, hindi ko alam! Sinasalungat ko na naman ang aking sarili! Marahil ay nais ko lamang ng usapin.

Taxi

2008-02-17T21:07:00.003+08:00

Naging problema na ng maraming nagta-trabaho sa Makati ang pagsakay sa mga taxi. May mga mamimili ng pasahero, nango-ngontrata, namimili ng lugar, at hindi nagsusukli ng maayos. Marami na ring umaga ko ang sinira ng mga taxi driver, at nahuli ako ng pasok sa trabaho. Si Boy Popoy, maraming beses na ring naasar sa mga driver na nagsasabing wala silang barya. Bibigyan naman ng tip eh, kaso garapalan kung humingi.

Buti na lang at may kampanya ngayon ang mga pulis ng Makati na hulihin ang mga isnaberong tsuper ng taxi! Sana nga ay madala naman ang mga taxi driver na hindi sumusunod sa batas!

PETA: Bumanat Na Naman

2008-02-06T00:58:00.000+08:00

Itigil daw ang pagbili at pag-gamit ng pandikit na panghuli ng mga daga. Bago naman sana isipin ang karapatan ng mga hayop ay isipin muna ang karapatan ng maraming taong naghihirap at maihahon sa kahirapan. Karapatan ng mga bata sa matinong edukasyon.

Sabi nga ng misis ko "O sige.. manghuhuli ng dagang ga pusa tapos sa kama nila iabay!" ... At bumanat din ang misis ko, eto ang sinipi nya.

Aklat

2008-02-05T23:14:00.000+08:00

Noong isang araw ay nabasa ko ang isang akda ni Ambeth Ocampo sa Inquirer.net, The romance of books. Isang pagninilay sa kalagayan ng pagpapahalaga sa mga aklat at kasaysayan. Na kahit marami pang mga lathala sa internet ay iba pa rin ang nagbabasa ng aklat. Ang ngiti na naidudulot kapag may bagong aklat na nabili. Hindi lang ang mga kaalaman at tuwa na naidudulot ng aklat, kundi ang halagang pang-sentimental.

Matagal na rin nga akong hindi nakapupunta sa mga aklatan at museo. Kapag may panahon na ulit. Kapag hindi subsob sa hanapbuhay at iba pa. Pasyal ulit sa mga museo at makasaysayang lugar. Magandang alternatibo sa panunood ng sine o pagpunta sa mall. Yun nga lang, mas magastos.

Marahil nga ay mababaw pa ang ating kaalaman sa ating kasaysayan. Na mas mararamdaman natin ang pagiging Pilipino kung mas maraming kaalaman sa nakaraan ng ating bansa. Marami pang dapat alamin at aralin. Tuluy-tuloy ang pag-aaral :)

Datu's Tribe - Lakambini Bottom

2008-02-05T22:01:00.000+08:00

VIII

2008-02-01T14:00:00.000+08:00

Edukasyon Muli

2008-01-11T22:43:00.000+08:00

Nabasa ko ang liham na ito para sa aking tiyo:

Dear Parents:

As I believe that learning is not confirmed within the four walls of the classroom, part of the requirements of ENG 223 – Speech and Oral Communication course (Pre-finals Grading Period), is a Guided Studio Tour to ABS CBN Studio, Mother Ignacia Street, Quezon City. Students taking English as field of specialization are also part of this activity. This will be held on 19 January 2008, Saturday.

Hhhhmmm... Ok, pwede na rin. Pero ng mabasa ko na ito:

Objectives of the activity are: to expose the students to the beauty and benefits of being a good communicator by immersing them in real world and real life; to learn the concepts of broadcast media by being keen observers and through the lectures to be provided by the tour guides; to witness and learn how a live program (Wowowee) is conducted; to give the tour participants the chance of meeting and seeing in person some famous personalities from the company’s news and current affairs department and entertainment industry; and to be responsible young adults by conducting themselves properly and wisely during the trip.

Ano daw? Noon-time show, educational? Hindi naman sa minamata o minamaliit ko ang mga ganitong uri ng palabas, ngunit ito ay pang-aliw at hindi pang-edukasyon sa aking pananaw. Mga palabas na nagbibigay ng maling pag-asa, pang-edukasyon? Tigilan nyo ako! Pagkakataon na makita ng personal ang mga siikat na tagabasa ng balita at artista, pang-edukasyon? Haayyy...

Google Ad, Pinoy at Edukasyon

2008-01-09T00:16:00.000+08:00

Matagal ko na ring nailagay ang Google Ad dito sa Kapihan. Napansin ko na dati na hindi pa gaanong napa-plantsa ang mga lumalabas na patalastas :). Dahil siguro maraming beses na nabanggit sa talaarawang ito ang salitang 'hindi' ay makikita mo sa ads ang 'Hindi Songs'. Ngunit medyo nagulat ako sa nakita kong Google Ad dito.

Filipino Nurse at Philippine OFW. Hindi ko alam kung ano ang mararamdaman ko. Bumibili ba ng Ads sa Google ang mga recruiter? Marahil nga ay palasak na rin sa Internet at buong mundo na maraming nurse na Pinoy. Wika nga ng isang kolumnista sa isang pahayagan. Ang mga OFW/Nurse ang malaking naitutulong upang umangat ang halaga ng piso. At ito rin ang dahilan kung bakit nagkukulang ang mga mahuhusay na manggagawa dito sa Pilipinas.

Ang pagha-hanap buhay sa ibang bansa ang nagbibigay ng pag-asa sa karamihan ng Pinoy. At ito rin ang dahilan kung bakit maraming Kolehiyo ang nananamantala sa mga magulang at mag-aaral. Ang pangako ng pangingibang bansa, kahit bumaba ang kalidad ng edukasyon.

Mayroon ba akong sinisisi? Marahil ay mayroon, marahil ay wala. Wala lang siguro akong maisulat. :) Pakinggan (salamat sa editing Inay!) nyo na lang ang ilang awit ng Datu's Tribe sa IAC Music.

Piano Na Lang

2008-01-02T21:42:00.000+08:00

Noong nakaraang bakasyon ay sinimulan ko ng turuang mag-gitara ang anak ko. Konting pasakalye sa pagkalabit ng kwerdas at pagtipa. Wala pang kalahating oras ay eto na ang nasabi ng anak ko:

"Itay, piano na lang ang gusto ko, masakit sa kamay eh!"

Lorelia Sophia

Keso

2008-01-02T17:58:00.001+08:00

Eto ang gusto kong keso!

Unang Putok

2008-01-01T20:32:00.000+08:00

Isang mapayapa at pinagpalang Bagong Taon sa mga kaibigan at nakikihigop sa Kapihan!

The Romy Diaz Project

2007-12-21T23:12:00.000+08:00

Naging abala ang inyong lingkod na Boy Dapa sa pagtugtog ngayong mga nakaraang araw. Para kasi sa Christmas party ng opisina. Kasama ko si Boy Popoy at ang pinsan nyang si Boy Bakat. Wala nga lang sa mga larawan dito si Boy Bakat.

Anong tugtugan namin? Lahat ay mga cover, halu-halo na. May New Wave, alternative rock at reggae. The Romy Diaz Project ang ipinaganalan namin sa banda namin. Bakit? Ah, basta! Syang tunay! Manalig ka!

The Romy Diaz Project: Boy Dapa, Mike, Boy Popoy at Marvin

Boy Dapa

Boy Dapa

Kapag sinipag kami, ay tuluy-tuloy na ang pagtugtog. Baka sakaling makapagsulat ng mga kanta.

Kapihan: Kapeng Walang Lasa

2007-12-05T23:25:00.000+08:00

Kapeng matabang, halos mapanis.
Pinanis ng mahabang panahon.
Ubos na ang bango.
Wala ng sarap, wala ng pait.

Para ngang kapeng panis, walang bago sa kapihan. Matumal, wala ng nagbabasa. Walang nakikihigop. Ito pala ang masamang epekto ng trabaho. Walang panahon magtala ng mga pangyayari sa buhay. Hindi maibulalas ang mga nararamdaman. Hindi makapagbigay ng komento sa mga pangyayari.

Marami na nga ang nangyari. Pansarili at panglipunan. Paghihirap, musmos na buhay na kinitil, pagtaas(?) ng halaga ng piso, pagsabog, rebelyon at kung anu-ano pa. Ah, nawawala na ba ang apoy na nagpapainit sa aking isipan? Tuluyan na nga bang tinakasan ng sining ang aking buhay? Kinain na na ng trabaho at sistema?

Ah, wala ng galit.
Walang himig at salita.

Gusto kong mag-komento, ngunit wala na ngang panahon. Di na rin napapanahon kung isusulat ko ang mga nasa isip ko. Ano nga bang pinaghihimutok ko? Wala! Wala akong magawa, wala akong maisulat na matino.

Tuloy ang pagkalabit ng baho.
Isabay sa palo ng tambol.
At sa kaskas ng mga gitara.

--------------------------------------------------

Nitong mga nakaraang araw ay napapansin kong wala nga yung inspirasyon para magsulat ng kahit ano. Artipisyal lang ang pagtugtog. Kailangan nga siguro ang pag-e-ensayo palagi. Upang maibalik yung apoy sa pagtugtog. Tugtugan na!

Musika

2007-10-28T16:14:00.001+08:00

Eddie Vedder: Into The Wild (Music For The Motion Picture)

Pagsabog

2007-10-21T14:35:00.000+08:00

Nagluluksa ang Pilipinas dahil sa naganap na pambobomba sa Glorietta 2. Nagkaroon na muli ng mga paghihigpit sa matataong lugar. Ngunit ang nakalulungkot ay sa mga ganitong pagkakataon lamang umiigting ang seguridad. Matagal ko ng nababanggit sa mga kaibigan ko ang hindi maayos na pagre-rekisa ng mga gamit sa pamilhan gaya ng Glorietta.

Maraming pagkakataon na kapag naka-shorts lang ako ay titingnan ang gamit ko. Ngunit kapag naka-barong/polo ako ay hindi na titingnan ang laman ng bag ko. Pansin din ito ni Joy, basta-basta na lang titingnan ang kanyang bag, walang depenidong paraan. Marahil ay kulang sa pagsasanay ang mga nagbabantay. Ganoon din sa ibang himpilan ng mga bus, hindi rin ganun kaayos ang seguridad.

Ayaw ko munang talakayin ang pulitikal na aspeto ng naganap na karahasan. Nakalulungkot lang na isiping maraming sektor ng lipunan ang nakikisawsaw na sa usapin.

Sa mga nagtatanong nga pala kung ano ang teklado, ito ay keyboard sa inggles. Teklado rin ang tawag sa tinitipa sa piano. May nagsabi sa akin dati na ang keyboard ng kompyuter ay talapindutan ng titik at bilang. Mukhang tama naman. Sa mga susunod na tala na lang natin ito talakayin.

Paningit O Panakip-butas

2007-10-17T00:08:00.000+08:00

Marahil ay maraming nabobola ang talaarawang ito. Alin? Yung mga naghahanap ng resulta sa Google, Yahoo at iba pa. Mga naghahanap ng kasagutan sa kanilang mga takdang-aralin. May naghahanap ng mga pangalan ng Senador ng Pilipinas, larawan ng mga artista at kung anu-ano pa.

May naghahanap din ng tungkol sa mga bayani at kasaysayan. Ganoon na ba kaliit ang bahagdan ng mga tagalog o pilipinong aralin sa Internet? Marahil nga ay kakaunti ang nagsusulat ng kasaysayan na gamit ang tagalog/pilipino. O sablay lang talaga ang algoritmong ginagamit ng Google at Yahoo? O hindi lang marunong gumamit ng Internet ang mga naghahanap?

Panahon na nga yata upang magkaroon ng maraming magsusulat ng tala na gamit ang tagalog at pilipino. Ngunit sino? Maraming guro at manunulat na abala sa kanilang mga hanapbuhay. At mayroon nga palang Tagalog Wikipedia. Marami din namang makukuha dito ang mga mag-aaral.

Ang una kong nasa isip na isulat bilang paningit sa natutulog na talaarawang ito ay ang aking mga paboritong musikero/banda. Ngunit bigla na lamang pumasok sa isipan ko ang mga istatistika ng bumibista dito. Iba na nga siguro ang mga nangyayari kapag nagsimula ka ng pumindot sa mga teklado ng kompyuter.

At eto na ang mga paborito kong bandang lokal (dahil nagsimula na ulit akong tumugtog kahit papaano):

Datu's Tribe - Pinatunayan nilang ang mga awit na may temang pulitikal ay hindi kailangang maging nakababagot.
Siakol - Mga awit na sapul ang panlasa ng masa at mga tambay ngunit hindi nakasasawang pakinggan.
Sugarfree - Mga karanasan ng isang tao at awiting may tema ng pag-big na hindi nagpupumilit maging magandang lalaki.
The Dawn - Saludo ako sa galing at tagal nila sa mundo ng musika. Hindi mo masasabing iisang panahon o nagpatali sa isang klase lang ng tugtugan ang meron sila. At kapag narinig ang isa nilang kanta, alam mong The Dawn kaagad.

Sa ngayon ay yan lang muna ang maisusulat ko. O Boy Singkit, may mababasa ka na ulit! Paumanhin sa mga humihingi ng links, wala akong oras ngayon upang magsa-ayos ng talaarawang ito. Salamat sa mga nabababasa pa!

Pugad Baboy at Bukang Liwayway

2007-10-09T22:14:00.000+08:00

Matagal nga akong hindi nakapagtala sa Kapihan kong ito. Ano na nga ba ang nangyari? Masyadong abala ako sa aking hanapbuhay at umiral na rin ang katamaran :) Eto muna ang maitatala ko ngayon. Ilang mga larawan muna, saka na lang ulit ang iba pa.

Maayos yung pagpapa-pirma namin kay Pol Medina ng Pugad Baboy 19 at Sunday Comics. Yun namang tugtugan ng The Dawn sa Aruba (SM Mall of Asia) ay ayos na sana. Ang kaso, kailangan ko pang bumili ng bagong pantalon. Bakit? Dahil may dress code ang Aruba! Bawal ang naka-shorts! Tsk! Pero Mababait ang The Dawn, pinirmahan nila ang CDs namin :)

The Dawn

Pol Medina Jr.

Boy Dapa at Pol

Ofelia Joy at Pol

At ito nga pala ang pang-dalawang daang (200) tala sa Kapihan ni Qroon!

Bagong Hanapbuhay: Bagong Laruan

2007-07-19T01:45:00.000+08:00

Nakalipat na ang inyong lingkod sa ibang opisina. Bagong hanapbuhay, at syempre may bagong laruan na ilalagay sa nilipatang opisina. Wala lang akong maidahilan para masabing nabili ni Inay ng mura ang laruang ito. 200 piso lang na dating isang libo! Eto yung Masterworks na nakabase sa Fantastic Four #243 "Everyone Vs. Galactus".

Transformers Na Naman

2007-07-15T21:49:00.001+08:00

Eto naman yung Titanium Series na Optimus Prime na naka-base sa Movie (2007). Meron din na kasama yung Generation 1. Kayo na ang bahalang humusga kung alin ang mas maganda.

Bakit wala pa yung ibang larawan? Nasa camera pa ni Boy Bakat ang Robo Vision Optimus Prime. Hindi ko pa nakukuhanan yung Bumblebee Classic Camaro (Deluxe, Japan Release) at yung Autobot Jazz Pontiac Solstice (Deluxe, US Release).

Transformers Pa Rin

2007-07-14T14:44:00.000+08:00

Ito ang isang video na matutuwa ang lahat :)

Beng Beng Review

2007-07-11T12:31:00.000+08:00

May mini-review ako ng Glock 26 pistol na regalo ni Inay sa akin. Mababasa ang review sa isa ko pang Paradise Philippines blog.

Transformers

2007-07-07T23:12:00.000+08:00

Ang mga larawan ng laruang nasa itaas ay first generation design ng Transformers (Titanium Series). Mas nagagandahan ako dito kaysa dun sa Robo Vision na Oprimus Prime. Ayos naman yung bagong disenyo ng Transformers sa bagong pelikula. Ngunit ang pagkakagawa ng mga laruan ay hindi. Laruan talaga, hindi collectible.

Sa isang araw ay ilalagay ko rin dito yung larawan ng Optimus Prime Robo Vision. At pati na rin yung Titanium Series na naka-base sa bagong pelikula. Oo nga pala, nailagay ko na dati yung isa pang larawan ng First Generation Optimus Prime.

Regalo ni Inay

2007-06-27T09:44:00.000+08:00

Salamat Inay!

Boy Kulit

2007-05-29T21:44:00.000+08:00

Nangunguna rin sa kakulitan ang inyong lingkod na si Boy Dapa. Noong bata ako eh itinali ko sa may dingding ang kalaro ko. Sinturon ang ginamit ko. Sabi nya kasi, Pascow ang apelyido nya. Kaya itinali ko, parang cow :D Yun pala eh Pascual.

Ang anak ko, itinatali rin ang Inay nya. Ililigtas daw nya sa mga kalaban. Lumalabas talaga ang lahi ng makukulit. Hhhhmmmm... Kailan kaya didilaan ni Ineng ang 9 Volts battery na kagaya ng ginawa ko noong bata pa ako?

Naging makulit na ulit ako ngayon, lalo na sa airsoft. Halos isang buwan kasi akong di nakalaro. Ayun, noong Sabado, nag-ayos ulit ng baril at rumatrat noong Linggo. May ngiti ako sa mga labi. Nakasimangot naman si Joy sa gastos, he he he.

QrooniX

2007-05-24T12:38:00.000+08:00

May isa pa akong talaarawan, ang QrooniX. Dito ay ingles ang ginagamit ko. Ang nilalaman ng QrooniX ay tungkol sa sari-saring teknolohiya, komiks at iba pang bagay. Kung may panahon kayo, pakipuntahan na lang:

QrooniX

Tsismoso

2007-05-23T21:08:00.000+08:00

Opo, minsan ay tsismoso ang inyong lingkod na si Boy Dapa. Kung di naman tsismoso ay mahilig, mahilig makinig sa usapan ng mga nasa paligid. Kagaya ngayon, habang nakikigamit ako ng libreng wifi connection dito sa isang kapihan, ay nakikinig ako sa mga usapan ng nasa paligid ko. Mga nagkukwentuhan tungkol sa buhay. May nagtsi-tsismisan, at marami pa.

Wala lang siguro na makatas (juicy) na detalye. Wala akong maikwento sa inyo. Hindi ako kritiko ng mga tao ngayon. Masakit kasi ang ulo ko, pero tsismoso pa rin. Ok, di ako makatiis, puro reklamo sa buhay itong katabi ko!

Halalan, Kahirapan, Hangalan

2007-05-14T13:38:00.000+08:00

Nakaboto na kami ni Joy kanina. Magkaiba kami ng mga ibinoto sa mga lokal na kandidato. Hindi nya isinulat yung mga maiingay at nakabubulahaw ang campaign jingles. Ako naman ay pulitikal na dahilan. Meron din kaming mga blangko. Bakit? Wala kasi kaming mapili. Ayaw naman namin ng lesser evil.

Sa loob ng presinto, merong mga poll watcher. Ang siste nito, nagbubulong ng mga kandidato nila! Tsk! Lalo naming hindi ibinoto ang mga ikinakampanya nila. Isa lang ang maibubunyag kong ibinoto namin, ang partylist na AKAPIN. Bakit? Dahil sila ang ilan sa mga tunay na nangangailangan ng kinatawan sa kongreso, ang mga may kapansanan.

Kanina rin ay napanood namin sa telebisyon ang panayam sa isang kongresista at isang senador. Ayon sa kanila ay panahon na upang magkaroon ng mas mataas na pamantayan upang makakandidato. Kailangang nakapagtapos ng kolehiyo dahil sabi nga, kung ang mga pulis ay kailangang tapos ng pag-aaral ay bakit nga naman hindi rin gawin ito sa presidente at iba pa.

Ayon din sa kongresista, ay bumababa ang kalidad ng mga debate sa mababang kapulungan ng kongreso. Ganun din naman, ayon sa senador, kailangang malalim ang alam ng isang kandidato tungkol sa mga batas at lehislatura. Ano nga naman daw ang magagawa ng isang artista, boksingero at kung sinu-sino pa.

Sa unang pakinig, ay mapaniniwala kang ito nga ang katugunan upang gumanda ang pamamalakad at paggagawa ng batas. Ngunit kung iisipin natin, ay hindi ito ang solusyon sa mga suliranin. Lilikha lamang ito ng gulo at maaaring samantalahin ng ilan upang makakuha ng simpatya sa nakararami.

Edukasyon pa rin. Sa isang bayan o pamayanang marami ang nakapag-aral ng tama ay hindi na kailangang higpitan ang pamantayan sa pagkandidato.

Unang Ginang Ng Kapihan

2007-05-05T00:00:00.000+08:00

Maligayang Kaarawan ng Pagsilang sa unang ginang ng Kapihan!

Boy: Ang Kwento Sa Likod Ng Mga Pangalan

2007-05-02T09:52:00.000+08:00

Maraming nagtatanong kung bakit Boy ang tawagan namin. Si Penoycentral (Boy Popoy), si Marhgil (Boy Gapang) at ako ay Boy Dapa. Magkakakilala talaga kami ng personal, iisang kolehiyo/unibersidad ang pinasukan, at iisang bayan. Yung bansag na Boy Popoy, ay ang tawagan namin ni Penoy.

Nalaman kasi naming Boy Popoy ang tawag sa kanya ng dati nyang kaopisina. At Boy Popoy din ang tawag sa akin ng isang manong guard sa dati kong pinagta-trabahuhan. Dumating ang punto na dalawa kaming Boy Popoy, dapat may ibang bansag. Kaya kinuha ko ang Boy Dapa. Si Ogie Alcasid ang unang Boy Dapa, ginamit sa Tropang Trumpo at Bubble Gang.

Noong magkaroon ng Ituloy AngSulong SEO contest, nabuo ang salitang Boy Gapang. Magaling kasing manggapang si Marhgil, manggapang ng links. Kaya yan ang kwento ng Boy. Sya nga pala, may isa kaming kasama sa bahay, sya naman si Boy Bakat. Palagi kasing masikip ang mga suot na damit.

Pagtitipon At Isang Gabi Ng Saya

2007-04-30T16:53:00.000+08:00

Dumalo kami ni Boy Gapang sa isang pagtitipon ng mga blogger. Si AnnaManila ang nagsaayos ng EB sa UP-ISSI. Nandoon na si Nao at ang Racomas. Dumating din sina Erlyn, Marie, Girlie, Jamie, Eroica at iba pa (paumanhin sa mga di ko nabanggit).

Kantahan at salu-salo. Kwentuhang walang humpay. At kuha ng mga larawan. Uminom pa ng konti sa Baywalk. Alas tres na kami umalis ni Boy Gapang. Naiwan pa sina Nao at mga kasama para magsayawan! Narito ang ilang larawan.

Ba, Girlie, Marie, Dine, Boy Dapa, Nao, Jamie, Myrna, Boy Gapang, Erlyn at Eroica

Boy Gapang, Erlyn, Eroica, Jamie at Nao

Nao at Boy Gapang

Nais nilang mapalagay sa pabalat ng FHM (Nao at Jamie)

Kiskisan: Karanasan Ni Boy Popoy

2007-04-25T14:19:00.000+08:00

Babala: Ito ay hindi naaangkop sa mga bata.

5:25 ng umaga sa isang waiting shed sa panulukan ng highway at callejon. Hinihintay ni Boy Popoy (BP) ang kanyang kabarkada. Papunta sya sa isang field trip. May isang lolo (L) na sa wari ni BP ay may hinihintay rin. Maya-maya ay lumapit si L kay BP.

L: Bata, anong oras na?
BP: 5:30 po.
L: Salamat.

Tik tak, tik tak, wala pa ang kaibigan ni BP. Ganoon din si L, mukhang naiinip na. Tik tak, tiktak. Lumapit muli si L kay BP.

L (hawak ang sandata nya): Pwede ko ga areng ikiskis sa iyo? Babayaran kita! Tigas na tigas na eh!
BP: Nakow! Hindi po pwede!

Lumang Awitin

2007-04-24T12:12:00.000+08:00

Noong sabado habang pauwi kami nila Boy Popoy at Boy Gapang, ay bukas ang radyo sa aming sinasakyan. Asar na asar kami dahil bawat himpilan ng radyo ay halos 70% ng mga awit ay revival/recycled/refurbished. Wala na bang maisip na bago ang mga kompositor? Wala na bang mga bagong banda o mangaawit na makuha ang mga recording company?

Mula ng maglabas ng album na tribute (ba talaga?) sa Eraserheads at APO, ay nagsulputan na ang mga nabanggit kong mga awit. Sa una ay nakatutuwa pa, habang tumatagal ay nakaaasar na. Akala ko dati ay umangat na kalidad ng kalagayang pangmusika dito sa atin. Noong maraming banda at mangaawit na marunong ding lumikha ng sariling kanta. Hindi pa pala.

Paulit-ulit lang, kung ano ang uso ay syang susundan. Paikot-ikot lang, kung ano ang kalakaran ay syang yayakapin.

Dakilang Lumpo

2007-04-23T18:39:00.000+08:00

Noong isang gabi ay galing kami ni Joy sa Plaza Mabini. Lakad-lakad para magutom ulit, he he he. Tambay at kwentuhan. Marami-rami rin ang tao sa plaza, may mga talubata (teenagers), matatanda, magtitinda, mga bata at kung sinu-sino pa. May narinig kaming isang lalaki na animo'y nagtatalumpati sa harap ng mga kasama nya (na sabi ni Joy eh mga pa-sosyal daw).

Ano ba yang Sublime Paralytic, yung paralytic, eh paralitiko. Sige nga (nakatingin sa mga kasamahan), i-translate nyo nga yan kung magaling kayo.

Nakaupo na sya sa malayo, ay yun pa rin ang paksa nya. Hindi nakatiis ang inyong lingkod na si Boy Dapa.

Dakila po yung sublime, Dakilang Lumpo si Apolinario Mabini.

Hindi ga great yung dakila? Tanong sa akin ng isa. Dakila rin yung sublime, at yun ang itinuro noong elementary sa Kasaysayan at Araling Panlipunan.

Ano bang gusto kong palabasin? Wala naman. Wala lang akong maisulat na bago. Hindi ba't kung hindi natin alam ang kasaysayan ay mahihirapan tayong harapin ang kasalukuyan at kinabukasan?

Bago sa Kapihan

2007-04-07T20:37:00.000+08:00

Tamad na talagang maglagay ng tala ang inyong lingkod na si Boy Dapa, he he he. Hindi po ako kandidato, hindi rin nangangampanya. Noong nakaraang Sabado (ika-31 ng Marso, 2007) ay dumalo ako sa Tigil Putukan: The 1st Batangas Alliance Fellowship Night. Masaya at makukulit ang mga mahilig magpaputok.

Noon namang ikalawa ng Abril ay nagtungo kami ng pamilya ko sa walang ka-kwenta kwentang World Lights Expo. Madilim na ang paligid ay marami pa ring ilaw ang patay (mga 70%). Walang kaganda ganda ang mga desenyo ng mga ilaw, mga kinortehang kahoy/papel na nilagyan lang ng iba-ibang ilaw. Yung kinopyang Hardk Rock Cafe na gitara, di hamak na mas maganda pa ang iginuhit ng anak ko. Marami talagang sablay! Mas magagaling pa ang mga kapwa natin Pinoy na gumagawa ng mga parol tuwing kapaskuhan.

Kahapon naman ay sinubukan ko ang soda can test para sa mga airsoft bengbeng. Eto ang resulta.

At kanina naman ay napadaan kami ng pamilya ko sa isang department store. Nakita ko sa Silverworks ang ginagong larawan ni Ernesto 'Che' Guevara.

Ang dami! Bukas ulit!

Ratratan sa Camp Fallen

2007-03-21T22:44:00.000+08:00

Eto po ang ilang larawan ni Boy Dapa sa isang gamesite.

Ayun ang kalaban!

Boy Dapa at ilang kasama sa Batangas Alliance

Naging biro ko nga sa mga kasama ko sa laro:

Noong high school tayo ayaw mag-CAT, noong college ayaw mag-ROTC. Pero ngayong mga nagka-edad na eh talaga namang pahirap sa initan makapaglaro lang, he he he.

Engkantadong Kaharian

2007-03-14T17:08:00.000+08:00

Kamakailan lamang ay nanggaling kami sa Enchanted Kingdom. Ito ang inyong lingkod, may pagnanasa sa mga estatwa!

Para sa iba pang larawan, maaaring puntahan ang link na ito.

Katas

2007-03-01T15:06:00.000+08:00

Eto ang katas Ituloy AngSulong contest:

Google Travel Mug

Green Day (Bullet in a Bible) CD/DVD at Green Day T-Shirt

Ituloy AngSulong

2007-02-23T10:56:00.000+08:00

Yung nakatala sa baba (Taran at Tado) ay para dapat sa Ituloy AngSulong. Ngunit hindi na kami nagtala ng bago dahil mamayang gabi na ang Finals. Sana manalo kami. Sana ay may paligsahang SEO ulit. Ngunit manalo man o hindi, tuloy ang ligaya! Ituloy AngSulong!

Taran at Tado

2007-02-23T10:39:00.000+08:00

May natutukan na naman ako para sa isang larawan. Salamat Tado!

Boy Dapa (Taran) at Tado

Putukang Walang Humpay

2007-02-16T17:12:00.000+08:00

Alamin, basahin, pakinggan ang mga bagay-bagay tungkol sa Ituloy AngSulong Movement! Ang explosive finale ng grupo at ang huling putok!

Tanong

2007-02-09T09:31:00.000+08:00

Nais kong sumulat, sumulat ng kwento.
Kwento ng buhay, kwento ng mga tao.
Ngunit paano?
Saan ako magsisimula?
Walang maisip na tagpo.

Nais kong sumulat, gumawa ng tula.
Yung malalim, yung may kwenta.
Nais kong humabi ng awit.
Madamdamin kahit may galit.
Oo, oo.
Lahat ng ito ay nais ko.

Nais kong umisip ng bago.
Hindi gasgas, hindi laspag.
Bago sa pandinig, bago sa panlasa.
Ngunit wala akong magawa.

Walang laman ang isip ko.
Saan nga ba?
Saan ko huhugutin, mga salitang gagamitin?

O lakambini ng sining nasaan ka?
Ikaw ba ay tumakas, kasama ng aking mga salita?

Nais ko ring gumuhit, lumikha ng larawan.
Malikhain, madamdamin.
Nais kong lumilok, buhayin ang kahoy.
Salitang di naisulat, sa mga kulay daanin.

Ah, alin ang aking uunahin?
Wala, walang masimulan.

VII

2007-02-01T16:20:00.000+08:00

Kapihan ni Qroon

2007-01-30T22:49:00.000+08:00

May Pinagkakaabalahan

2007-01-17T18:20:00.000+08:00

Paumanhin sa mga natitira pang nagbabasa ng talaarawan na ito. Marami lang pong pinagkakaabalahan ang mamang kalbo. Para naman sa mga mahilig bumarik, ito ang bagay sa atin!

Kapihan at Bakasyon

2007-01-03T09:09:00.000+08:00

Bukod sa katamaran at kabagalan ng Internet dahil ng lindol sa Taiwan, marami pa akong ginawa noong holidays.

Una dumalo kami ni Joy sa isa sa pinakamahabang blogger's EB.
Sunod, nakipaglaro ako sa anibersaryo ng Team ALAS. Maraming salamat!
At syempre quality time with my family :)

Salamat mga bumati at napasinsay dine sa aking Kapihan!

Kopya

2006-12-20T18:44:00.000+08:00

Eto na yata ang hinihintay namin ni Boy Popoy. Ang madaling solusyon sa pagkopya ng laman ng tapes para ma-digitize. Tingnan nyo na lamang sa ThinkGeek para sa iba pang impormasyon.

Firefox at NU 107 Rock Awards 2006

2006-12-19T13:38:00.000+08:00

Yeah baby, yeah! he he he. Firefox ang nangungunang browser na ginagamit ng mga bumibisita sa Kapihan ni Qroon [1]. At NU 107 Rock Awards 2006 naman ang nangunguna sa key words na ginamit sa Google [2]. Wala akong mailagay na updates eh, kaya yan na lang muna. Oo nga pala, sumunod ang keyword na Angelica Panganiban Photoshop.

[1]
[2]

Laruan, Laruan ... Nagbata-bataan

2006-12-11T16:22:00.000+08:00

Noong bata pa ako ay hindi ako makabili ng mga laruang kagaya nito. Una ay kapos ang pambili at ang panglalawa ay walang mabilihan sa probinsya namin. Yung Transformer (Optimus Prime Hybrid Style Convoy) ay gusto ko talagang mabili dati. Tiyaga na lang sa pagtingin sa mga catalogue ng laruan. Kaya ngayong medyo nakaipon ay nakabibili ako kahit papaano.

T.H.S. 02 Optimus Prime Hybrid Style Convoy

Ang mga Gundam naman na ito ay para may makalikot ako. Masarap ang sumunod sa manual at buuin sa isang robot ang bwat maliliit na parte ng isang Gundam.

At ang mga gamit at laruang baril naman na ito ay para sa airsoft games. Ano ang justification ko? Form of an exercise at pagtanggal ng stress, he he he.

TM Steyr AUG, TM Samurai Edge, Helmet at Mask

Minsan ay naiisip ko kung kailangan ko ba talaga lahat ang mga bagay na ito. O nais ko lang punuan ang mga bagay na di ko nabili dati. O biktima na ako ng dikta ng lipunan na kailangang bumili ng kung anu-ano para sumaya. Siguro nga ay may epekto sa akin ang consumerism. Ah! Ewan ko, hindi ko alam.

Das Kapihan: NU107 ROCK AWARDS 2006

2006-12-02T13:33:00.000+08:00

Galing kami kagabi sa 13th NU 107 Rock Awards. Syempre, horny kami sa rakrakan, 6:30 kami dumating sa World Trade Center.

Sabi sa ticket 6:00 PM bukas na ang gates. Bukas na nga pero hindi pa nagpapasok. Galit na ang mga tao, ang haba na ng pila sa labas. Marami ang nagrereklamo dahil iba pa ang daanang gate ng may complimentray tickets (VIP/Red Carpet yung isa) gayong pare-pareho lang daw nagbayad at yung maikli ang pila ay freeloaders pa. Mga 7:00 PM na nagsimulang magpapasok.

Security check na! Bawal ang yosi at lighter, oks lang sabi ko. Ang galit ng misis ko at ni Boy Popoy, bawal daw ang camera sa loob. Ayos na rin, sunod na lang tayo sa patakaran. Sayang nga lang at low-end ang camera ng cellphones namin, di kami makakukuha ng magagandang shots. Maaasar ka nga lang dahil maraming nakalusot na may dalang camera! Tsk!

Pero ayos lang dahil matapos ang concert eh may mga natutukan ako sa backstage para sa photo-ops, he he he. Heto ang ilan. Ang iba ay nasa Ituloy AngSulong at blog ni Ofelia Joy.

Chito Miranda ng Parokya ni Edgar at Boy Dapa (qroon) ng Fart Session

Jay Contreras ng Kamikazee at Boy Dapa (qroon) ng Google Dolls

Ang Nasasakdal: Boy Dapa's Mugshot Revisited

2006-11-29T17:28:00.000+08:00

Eto yung dating tala sa ko dito sa Kapihan. Inulit ko lang. Ginamitan ng The GIMP.

Hospital

2006-11-29T11:02:00.000+08:00

Ayaw na ayaw ko talaga sa mga hospital. Yung amoy ng paligid, halu-halo na, may alcohol at kung anu-ano pang di mo mawari. Hindi talaga ako pwede sa medical profession, 'di ako tatagal. Pero ang paborito ko eh kapag kinukuhanan ako ng dugo. Ang gandang tingnan nung dugo na hinihigop ng heringgilya mula sa braso o kamay ko.

Boy Dapa: Excuse po, saan yung ...
Nurse: Doc (Nakatingin kay Boy Dapa), hindi po dito ang veterinary medicine.
Boy Dapa: (WTF?!)

He he he. Wala lang akong mai-joke. Hindi totoo yung usapan.

Talaarawang Tagalog ...

2006-11-26T11:11:00.000+08:00

... O Tagalog Blog. Bakit ko dinagdagan ang pamagat ng blog na ito? Napansin o kasing maraming kakaibang keyword referrers papunta dito. Nais ko bang i-optimize lang ito sa ilang kataga lamang? Siguro nga, pero di ko talaga alam. Sa mgayon ay kuntento na ako sa kinalalagyan ng blog na ito. Kung nais ko namang magsulat na gamit ang inggles ay yung QrooniX ang ginagamit ko.

GMail Invites

2006-11-24T14:11:00.000+08:00

Para sa mga taong nangangailangan pa ng GMail accounts, mag-email lang kayo sa akin sa:

kapihan[at]gmail[dot]com

FHM November Issue

2006-11-24T10:35:00.000+08:00

Eto na ang hinihintay ni Boy Popoy at ni Boy Gapang. The ultimate FHM issue!

Alak, Angelica at Photoshop

2006-11-23T11:10:00.000+08:00

Ang galing talaga ng Photoshop. Maraming kayang gawing himala sa mga larawan. Gaya ng mga larawan ni Angelica Panganiban na ginamit sa kalendaryo ng Ginebra San Miguel. Makikita ang iba pang larawan sa QrooniX.

Hapunan, Inuman at Kulitan

2006-11-20T17:58:00.000+08:00

Noong Byernes ng gabi eh galing kami ni Boy Popoy sa kaarawan ni watermelon.gurl. Heto ang isa sa mga larawan.

Hinugot Kung Saan-saan

2006-11-16T18:24:00.000+08:00

Secretary: Sir, is there anything else?
Boss: Don't screw up or I'll screw you!

Sa isang sticker na nakita ko kanina: Don't Steal, The government hates competition!

Oo, may brain fart pa rin ako, wala talagang maisip na matino.

Massacre

2006-11-16T11:08:00.000+08:00

Dalawang taon na ang nakalipas, ano na ang nangyari?

Nagbabagang Lupa.

Kapihan Updates

2006-11-15T17:27:00.000+08:00

Wala akong maisulat ngayon
Blangko ang isipan
Nangangalawang ang mga daliri
Namumurol ang utak!

Wala na nga bang maisip?
O tinatamad lamang?
Siguro nga ay pareho lamang
Naubos na ang mga dahilan!

Masyado lang akong abala sa trabaho at Ituloy AngSulong Movement.

Baril at Google

2006-11-10T13:09:00.000+08:00

Kapag walang magawa, kuha ng sariling larawan...

Banyo Post

2006-11-09T14:00:00.000+08:00

Sa mga palikuran, lalo na sa mga opisina, alam na alam mo kung may nagbabawas. Pag pasok mo pa lang ng banyo, may maririnig kang ganito:

Ahem! Ahem!

Ang ginagawa ko naman, pinapatay ko ang ilaw. Sabay takbo!

Para sa Masa

2006-11-07T11:53:00.000+08:00

Oo, masa ako, masasapak ng misis ko pag di pa ako sumweldo mamaya, he he he.

Ituloy AngSulong Para sa Masa!

Ituloy AngSulong ng Kwentong Paurong

2006-11-06T18:19:00.000+08:00

Nagsimula ang lahat sa Ituloy AngSulong Movement. Na itinuloy ni Boy Popoy.

An Ituloy angSulong Movement's Initiative

Nahalina ang prinsipeng matikas, lumambot ang pusong matigas.

Meme Count: 3
Previous Posts:
Lahat ng nilalang sa kaniyang kaharian ay namamangha sa ganda ng braces niya sa ngipin.
Noong unang panahon, sa isang hindi kalayuang lupain, may isang dalagang nakatawa.

To be continued by : Sasha

Bagong Pinta

2006-11-06T17:50:00.000+08:00

Sinubukan kong magpalit ng template para sa talaarawang ito. Hindi ako masyadong nagagandahan, ngunit kulay kape kaya pinatulan ko na rin.

Unang Putok Audio Blog

2006-11-03T09:01:00.000+08:00

Dati ay hiniling ni uniksboy na mag-audio blog ako. Well, eto na po yun. Kasama ko si Boy Popoy sa walang kagaling-galing na gawaing ito. Mapapakinggan nyo ito sa Ituloy AngSulong.

Landian Sa Kapihan

2006-11-02T15:04:00.000+08:00

Kahapon ay nasa isang kapihan lang kami nila Boy Popoy at Kukote. Kape, kwentuhan at blog. May nag-uusap sa likuran namin, isang kano (american ang accent nya eh) at isang pinay. Mukhang nagkakalandian sila. Hindi naman namin pinapansin kaagad dahil abala kami sa Ituloy AngSulong. Biglang nagtanong yung kano kay Kukote, "Can I ask something?". Sure! Ang sabi ni Kukote. Can you translate "Halikan mo ako"? Sumabat naman ako, "It means Kiss me, she is asking you to kiss her". Nagpalusot na yung babae, nagkatinginan na lang kaming tatlo.