Kapihan ni Qroon -- Talaarawang Tagalog

Tinipong kaisipan, saloobin at kung anu-ano pang bagay.

Google
 
Web Kapihan ni Qroon

Wednesday, September 27, 2006

Isa Pang Wishlist

FHM Covergirls

|| nilaga ni qroon, 6:45 PM || link || (4) ang nakihigop |

Monday, September 25, 2006

Kopya

Sa tuwing pupunta kami ni Joy sa mga pamilihan (Malls, palengke atbpa.), ay mapapansin mong halos iisa ang disenyo ng mga produktong kagaya ng tsinelas, pantalon, sapatos at damit. May mga pagkakataon na makikita mo yung mga original o naunang maglabas ng isang disenyo at maikukumpara mo dun sa kopya lamang.

Para sa iba ay hindi maganda ang ganito, hindi daw kasi nagsusumikap na makagawa ng sariling dibuho. Ngunit nagpapasalamat na rin ako at may mga brand na kinokopya ang istilo ng iba at naipagbibili ang mga produkto sa murang halaga. Kinakaya na rin ng masa na makabili ng sa tingin nila ay magara at bago.

Ang tanging maipagmamalaki (maipagyayabang?) na lang ng may pera ay "original" ang kanila. Ngunit, ano ang punto nila? Na nauna sila? Na mas maganda ang kanila? Simple lang naman yan, hindi na naiiba o kakaiba ang gamit mo. :)

Isa na ang brand na Planet, halos lahat yata ng disenyo ay na-kopya na nila. Patok sila sa masa. Kahit mumurahin ay ayos lang sa nakararami. Ang Bench at Penshoppe, pansin namin ay kinokopya din nila ang mga mamahaling imported brands. Patok din sa nakararaming mga kabataan.

Isa lang ang tanong ko. Ginagamit nga kaya ng mga endorser ang produktong sila ang modelo? Ibang usapan na lang siguro yun. Salamat na rin sa nangongopya, kahit tubo (profit) lang ang gusto nyo, ay nakapagpasaya naman kayo ng masa.
|| nilaga ni qroon, 5:56 PM || link || (7) ang nakihigop |

Wishlist

Eto ang wishlist ko ngayon.

CA M15A4 Tactical Carbine









TM M9 Tactical Master









Pearl Jam's Yield and Riot Act (Both in CD format)
World Peace :P


Yung mga baril ay replicas lang.
|| nilaga ni qroon, 2:35 PM || link || (6) ang nakihigop |

Monday, September 04, 2006

Dyaryo

Dahil sa internet, ay bihira na akong bumili ng dyaryo. Bibili lang ako kapag umuuwi ng Batangas at matagal pang mapuno ang byahe. O dili naman kaya ay mga pagkakataong naiinip ako at gusto kong magbasa ng hindi computer ang kaharap. At kapag bumibili ako ng broadsheet ay bihira kong binabasa ang Life Style section. Wala akong makitang life o style sa mga pahinang yun. Paano ba naman ay tipikal na mga larawan ng mga taong di ko kilala.

Ngunit kahapon eh wala akong magawa kaya bumili ako ng isang broadsheet (feeling intellectual ang mamang kalbo). Bakit ang hindi, eh hindi daw pangmasa ang broadsheet. Pang-tabloid lang daw ang common taong kagaya ko. Isang dahilan kung bakit ako bumili ng peryodiko? Magtingin-tingin ng ibang trabaho. Si Boy Popoy kasi eh may bagong trabaho na,at ang boss nya eh si Watermelon.

May isang artikulo sa Life Style section na umagaw ng aking atensyon. Ito ay ang De Kahon ni Gilda Cordero-Fernando. Tinalakay nya ang maraming bagay tungkol sa sining. Maaaring sa ibang artist ay alam na nila ang konsepto ng paglabas sa kahon. Ang lumikha ng bagay na sa tingin ng iba ay hindi tatangkalikin ng masa. Ang sundin ang sinasabi ng isipan at isagawa ang nais. Ngunit sino nga ba ang dapat magdikta kung ano ang nais ng masa?

Nabanggit din ni Ginang Fernando ang matagal ko na ring napapansin. Ang media ang nagdidikta kung ano ang dapat at hindi para sa masa. Isa na nga siguro ang telebisyon sa ebidensya ng pagkakahon sa mga isipan. Parang ikinakahon ang kayang isipin ng mga tao. May mga depinidong formula sa mga palabas. Mga obrang(?) sa tingin ng nasa telebisyon at mga negosyanteng may-ari nito ay syang nararapat sa mga tao.

Tinalakay din ni Ginang Fernando ang tungkol sa animoy bumababang kalidad ng naggagawad ng mga parangal para sa mga lagad ng sining na kagaya ng Palanca Awards. Masyado na ngang marami ang kategorya. Hindi man palagay ang loob ko sa salitang elitista eh sumasang-ayon ako sa sinabi nya:

Bakit elista? Why stop the multiplication of loaves? Because an award is a distinction. It recognizes a majot achievement and should be elitist and exlusive as it can be!


Pumasok na sa usapan ang ginagawa ng pamahalaan upang matulungan ang sining. May ginagawa ba? Hindi ko alam, kung ang mahihirap ay hindi mabigyan ng magandang trabaho, ang mga nagugutom pa kayang tunay na alagad ng sining? Isa pang magandang sinabi ni Ginang Fernando ay:

Poverty is the artist's lot unless he finds means of support other than his art and a wife to hold up half the sky. The government hardly remembers him except when he can be politically used. Big business does not ask him to be an endorser or whiskey, slimming tea or underwear.


Sapul na sapul! Napakaganda!

Ah... Masama yatang nag-iisa ako. Kung anu-anong naiisip at nababasa ko :)
|| nilaga ni qroon, 12:28 PM || link || (6) ang nakihigop |